Аан тыл

18.09.2019

Саха рок музыката киэҥник сураҕырбыта, эдэр режиссердар Алексей Романов, Никита Аржаков, Сэмэн Ермолаев саха бэйэтэ киинэлээх буолуохтаах диэн туруммуттара, литератураҕа, эстрадаҕа, наукаҕа саҥа сонун ааттар күөрэйбиттэрэ. Биһиги суруналыыстар эмиэ суоллары, формалары, ньымалары көрдөөн киирэн барбыппыт.

Оннук кэмҥэ ыччат, дьон-сэргэ биһирэбилин ылбыт бастакы өҥнөөх сурунаалынан «Далаһа» буолбута. Бу бырайыак Саха сиригэр бастакы, судаарыстыбаттан үбүлэммэт, өҥнөөх, көҥүл сурунаал тахсар суолун тэлбитэ. Саҥа саҕалааһыны «Илин» сурунаал эрэдээктэрэ Олег Сидоров өйөөбүтэ. Айар үлэһиттэринэн Светлана Алексеева, Сардаана Барабанова, Сарыал Никифоров, Саргылаана Сунхалырова этилэр. Төһө да аҕыйах нүөмэр таҕыстар, «Далаһа» сирдьит сулус курдук саха дьонун сүрэҕэр ураты суолу хаалларбыта, үгүс айар дьон сайдар суолун тобулбута.

Бүгүн «Далаһа” сурунаалы истиҥник санаан тураммыт, аныгы үйэ сиэринэн кини аныгылыы электроннай көрүҥүн үлэлэтэн саҕалаатыбыт. Кини ситиһиитэ бүгүҥҥү айар дьон өйөбүллэриттэн, кыттыыларыттан улахан тутулуктаах буолуоҕа. Манна кэпсээннэри, хоһооннору тэҥэ саҥа кинигэлэргэ, киинэлэргэ, спектаклларга рецензиялар, санаа атастаһыыта, уус-уран хаартыскалар, олоҕу анаарыылар баар буолуохтарын баҕарабыт. 

«Далаһа» саҥа таһаарыыта ааҕааччы, саха дьонун интэриэһин тардыа диэн эрэнэбит. 

Борис Павлов

Комментировать

Авторизуйтесь

Комментарии

20.01.2020 ФИО
Комментарий

20.01.2020 Иванов Иван
Текст комментария


Комментарии 1 - 2 из 2
Начало | Пред. | 1 | След. | Конец

Архыып