"Далаhа" - айар куттаах ыччат интернет-сурунаала

Ыстатыйалар

"Олоҥхо дойдутун Кыһыл көмүс бөрүөтэ" литературнай күрэх түмүктэннэ
14.02.2020
Ийэ тыл уонна сурук-бичик күнүн көрсө олунньу 12 күнүгэр Национальнай библиотека историческай саалатыгар "Аҕаҕа таптал" диэн аһаҕас литературнай күрэх түмүгүнэн "Олоҥхо дойдутун Кыһыл көмүс бөрүөтэ" диэн саҥа ааты иҥэрэр дьоро күн буолан ааста

Ойуунускай түмэлигэр “Мимуоза” тылынна
03.02.2020
Бөлүһүөктүү санаалаах, киэҥ билиилээх сир түннүгэ дьоммут - суруйааччыларбыт тылларын-өстөрүн истэр дьол биһиэхэ 2020 сыл тохсунньу 31 күнүгэр П.А. Ойуунускай аатынан Литература түмэлигэр аһыллыбыт "Мимуоза" литературнай салоҥҥа тосхойдо. Литература түмэлэ быйыл тэриллибитэ 50 сылын туолар, онон суруйааччылар биир уораҕайга мустан бар дьоҥҥо үрдүк литература аанын арыйбыттара, ааҕааччыларын кытта алтыспыттара саҥа сүүрээн, үүнүү-сайдыы бэлиэтэ буолла.
Бастакы "Мимуоза" кыттааччытын ахсаана элбэҕинэн сөхтөрдө, хас да сонун түһүмэҕинэн ыытылынна, ырыа-үҥкүү аргыстаах нүөмэрдэринэн кэрэхсэттэ. Оттон суруйааччылар дьон иннигэр тахсан саҥа хоһооннорун доргуччу аахпыттара туохха да тэҥэ суох күндү бэлэх кэриэтэ. Бырайыак ааптара, ыытааччыта – Маргарита Иванова-Дайар Суһум. Тэрийээччилэр - "Саха сирин суруйааччылара” ассоциацията, П.А.Ойуунускай аатынан судаарыстыбаннай литература түмэлэ


“ТЫЛ СҮМЭТЭ”  литературнай түмсүү
21.01.2020
Төһө да сорохпут сэбиэскэй кэм үтүөлэрин харыһыйа аҕыннарбыт, техника, сибээс уо.д.а. өттүгэр аныгы олохпут сайдыытын хайдах да мэлдьэһэр кыахпыт суох. Холобур, билигин киһи барыта (быһа холоон, 70 сааһыгар диэри) смартфону, айфону туһанар, ханнык эмэ социальнай ситимҥэ киирэр, онтон сонуну билэр, дьону кытта алтыһар, үөрүүтүн үллэстэр, кыһалҕатын быһаара сатыыр...
2009 сыллаахха Америкаҕа айыллыбыт WhatsApp (ватсап) интернет-мессенджерсыыйа Россияҕа кытта туһаныллар буолар. Интернеккэ суруйалларынан, Россия олохтоохторо ватсабынан 2014 сылтан ордук күүскэ туһанар буолбуттар. Ити чааһыгар Саха сирин олохтоохторо өссө арыыйда инникилээтилэр быһыылаах этэ.

"ЧУРАПЧЫ" айар-суруйар литературнай түмсүү
18.11.2019
Чурапчы улууһун бастакы литературнай айар-суруйар түмсүүтэ арыллыаҕыттан күн бүгүҥҥэ диэри төһөлөөх элбэх айар куттаах дьон алтыһан, төрөөбүт тыл умсугутуулаах угуйар, айар күүһүгэр абылатан, хомоҕой хоһооннору хоһуйан, айымньылары айан ааспыта буолуоҕай?

«Сырдаабыт» общественнай түмсүү үлэтэ-хамнаһа
13.11.2019
Томпо оройуонун Мэҥэ Алдан нэһилиэгэр үс холкуос баара: “Саҥа олох”,  “Кыһыл Дабаччыма” уонна “Сырдаабыт”. 1940 сыллаахха бөһүөлэктээһин туһунан оройуоннааҕы Сэбиэт уурааҕынан «Сырдаабыт» холкуос бөһүөлэгэ Бэстээх диэн сиргэ олохтоноро быһаарыллыбыт.