"Дойдубут - Дьиэбэгэнэ" кинигэ сүрэхтэннэ

05.11.2019

«Көмүөл» кинигэ кыһатын өҥөтүнэн өлгөм үүнүүлээх от үрэх Дьиэбэгэнэ сиригэр-уотугар тигинэччи үлэлээбит хара көлөһүннээх Сталин аатынан холкуос дьонун-сэргэтин үйэтитэр сэдэх кинигэ таҕыста. Ааптар Клара Гаврильевна Васильева-Куһуох Клара архыып матырыйаалларын, биллибэт чахчылары, тыыннаах туоһулар ахтыыларын  киллэрэн, кинигэ сүрдээх баай ис хоһоонноох, сыаналаах таһаарыы буолла. Архыып матырыйаалын хомуйан дьүккүөрдээхтик үлэлээбит Е.И.Аржакова кинигэ ситэн-хотон тахсарыгар оҥорбут көмөтө, үтүөтэ улаханын бэлиэтиибит.

Клара Гаврильевна сэттэ сыл тухары оҥорбут киэҥ хабааннаах, сыралаах үлэтэ - Таатта улууһун Чөркөөх нэһилиэгин кырдьаҕастарыгар сүҥкэн бэлэх, ыччат дойду устуоруйатын билэ улаатарыгар төһүү күүс буолан, алтынньы 4 күнүгэр үрдүк таһымнаахтык, үөрүүлээхтик сүрэхтэннэ. Таатта улууһун баһылыга М.М. Соров, Таатта улууһун дьокутааттарын мунньаҕын бэрэссэдээтэлэ В.А.Охотин,  Таатта улууһун култууратын салайар Г.Г.Вырдылин,  Октябрьскай нэһилиэк баһылыга А.П.Семенов кинигэни үрдүктүк сыаналаан, тыл-өс маанытын эттилэр, ааптары уонна ааҕааччылары истиҥник эҕэрдэлээтилэр. Ааптар К.Г. Васильеваҕа «Октябрьскай нэһилиэк социальнай-экономическай сайдыытыгар кылаатын иһин» бэлиэ, Бочуотунай грамота, бэлэх туттардылар. 

Комментировать

Авторизуйтесь

Комментарии


Комментарии 1 - 20 из 0
Начало | Пред. | | След. | Конец

Возврат к списку