ГИИРЭ СПОРДА – МЭҤЭ ХАҤАЛАС УЛУУҺУГАР

16.12.2019

Тыйыс тымныылаах хоту дойду сиригэр ханнык баҕарар үлэни толорорго хорсун санаа, күүс ирдэнэр. Уол оҕо эт-хаан өттүнэн сайдан, эр киһи буолан, буһан-хатан тахсарыгар гиирэ спорда биир төһүү күүс буолуон сөп. Сахабыт сирэ гиирэ спордугар маҥнайгы олугу уурбута номнуо үйэ аҥаарыттан ордук кэм ааста. Ол тухары араас кэмнэргэ – Ю.Шишигин, А.Ховров, В.Бурнашев, Ф.Керемясов, В.Дьячковскай, В.Каськов, С.Меркулин курдук бастыҥ гирэбииктэрбит бу спорт көрүҥэр чаҕылхай түмүктэри көрдөрөн, ситиһэн ааспыттара. «Гиирэ спорда - Мэҥэ Хаҥалас улууһугар. 1964 - 2019» кинигэҕэ гиирэ спордун сайдыытыгар тус кылааттарын киллэрбит араас көлүөнэ гирэбииктэрин ахтыылара суруллан киирдэ. Ааптардар инникитин атын улуустарга гиирэ спордун сайдыытын барытын хабан кинигэ суруйан таһаарар соруктаахтар.

“Көмүөл” кинигэ кыһата гиирэ спордун историятын үйэтитиигэ кыттыспытынан киэн туттар уонна гиирэ спордун бэтэрээннэрин, саҥа саҕалааччыларын, сэҥээрээччилэрин бу бэлиэ түгэнинэн эҕэрдэлиир.


Гиирэ спордугар Саха АССР маастара

Василий Васильевич СКРЯБИҤҤА анаан

Билбитин да көрбүтүн

Дьоҥҥо бэрсэр үтүөлээх,

Ыһа-тоҕо, хоро кэпсээн,

Билии күүһүн иҥэрэн.

 

Эдэригэр сэниэ киһи

Эрчимнээхэй гиирэһит,

Саха сирин маастара

Уонна норуот учуутала

Үөрэппитэ да үгүс!

 

П.П. Захаров, 1994 с.


Комментировать

Авторизуйтесь

Комментарии


Комментарии 1 - 20 из 0
Начало | Пред. | | След. | Конец

Возврат к списку