Кэлии киһи күннүгэ. Кыыс олоҕо

12.10.2020

Төрөппүтү уонна дойдуну талбаттар дииллэр. Ол чахчы эрээри, сорох дьон элбэх уустуктары көрсөн эбэтэр ордук олоҕу көрдөөн, ким баҕатынан, ким күһэллэн, иитиэхтээбит иэримэ дьиэлэриттэн, бигээбит төрүт сирдэриттэн араҕан, хаһан да үктэммэтэх туора дойдуларыгар көһөн бараллара аныгы олоххо күннээҕи көстүү. Оннук атын дойдулартан көһөн кэлбит дьон биһиги тымныы дойдубутугар хайдах-туох олороллорун  төһө билэбитий? Кинилэри манна туох олох кэтэһэрий? Кинилэр төһө дьоллоохторуй? Бу уонна онтон да атын ыйытыыларга эдэр суруйааччы Уулжан Даулетбекова «Дневник МИГРАНТА. У каждого своя линия жизни» диэн бастакы саҥа кинигэтэ хоруйдуоҕа.

Айымньы эдэркээн киргиз кыыһа Саха сиригэр тоҕо уонна хайдах кэлбитин, кини хайдах олоҕу баҕарбытын уонна хайдах олоҕу булбутун туһунан хайдах баарынан, аһаҕастык сэһэргиир. Уулжан 1993 сыллаахха Бишкек куоракка үһүс оҕонон сэниэ ыалга төрөөбүт. Төрөппүттэрэ уол оҕо кэлэрин кэтэспиттэрэ эбитэ үһү.... Онтон салгыы туох буолбутун, кинигэ маҕаһыыннарыттан ыйыталаһаҥҥыт, атыылаһан ааҕыҥ. Эдэр суруйааччы кинигэтэ «Көмүөл» кинигэ кыһатын өҥөтүнэн, суруйааччы Борис Павлов эрэдээксийэтинэн таҕыста. Кинигэ ойууларын Уулжан биир дойдулааҕа Ф.Жолболду уулу И.Бекболсун оҥордо. Сотору кэминэн WWW.UUSSAKHA.RU саайтка ааптары кытта интервью тахсыаҕа. Биһигинниин бииргэ буолуҥ

#саҥайымньы #cаҥакинигэ #эдэрсуруйааччы #сонун

 

Комментировать

Авторизуйтесь

Комментарии


Комментарии 1 - 20 из 0
Начало | Пред. | | След. | Конец

Возврат к списку