Нам сэрии кэминээҕи үрүҥ халааттаах аанньалларын үйэтиттилэр

05.11.2020

«75 лет назад закончилась Великая Отечественная война. Врачи находились на передовой и рисковали не меньше бойцов. Их профессия была одной из самых востребованных, ведь надо было спасать раненых, обеспечивать здоровье на фронте и в тылу. И история знает немало имен отважных врачей, которые нередко ценой собственной жизни обеспечивали приближение Победы.

Страшная война коснулась и медицинских работников Намской районной больницы. Многие из них ушли на фронт добровольцами. 27 июня 1941 года главным врачом Ольховским Виктором Сергеевичем был издан приказ: «Предлагаю всем работникам районной больницы 24.06.1941 года пройти регистрацию в конторе больницы. При себе иметь военные билеты, документы об образовании общем и специальном» (Пр. №255, стр. 4)..»

Ити курдук сотору кэминэн бэйэтэ сэриигэ аттаныахтаах үтүөкэн салайааччы сэмэй дьаһалыттан Нам балыыһатын үлэһиттэрин Кыайыыга харах уулаах уһун айаннара саҕаламмыта: ким - кыргыһыы хонуутугар өстөөҕү кыйдыы, ким - тыылга дьон олоҕун быыһыы хаалбыта. 1941-1945 сылларга Нам киин балыыһатыгар барыта 117 киһи үлэлээн ааспыта биллэр, олортон сорохторо фроҥҥа тылланан барбыттара. Кинилэр сырдык ааттара умнуллубакка үйэлэри уҥуордаан, үүнэр көлүөнэҕэ сирдьит сулус кэриэтэ сыдьаайа тыгыах кэриҥнээхтэр.

Быйыл Улуу Кыайыы 75 сылын бэлиэтиир үөрүүлээх түгэнинэн Нам улууһун киин балыыһата доруобуйа харыстабылын систиэмэтигэр үлэлээбит сэрии уонна тыыл бэтэрээннэрин туһунан «Ваш подвиг – священная память» диэн дьоһуннаах кинигэни таһааран, бар дьон кэрэхсэбилин ылла. Кинигэҕэ сэрии кэминээҕи доруобуйа харыстабылын систиэмэтигэр үлэлээбит 135 сэрии уонна тыыл бэтэрээнин туһунан докумуоннар, ахтыылар, чахчылар киирдилэр. Кинигэ матырыйаалын хомуйбут, бэлэмнээбит, архыыпка үлэлээбит, ахтыы суруйбут дьон үтүөлэринэн Намҥа нуучча сириттэн ананан кэлбит оччотооҕу быраастар уонна олохтоохтор Кыайыы өрөгөйдүүрүн, улууска мэдисиинэ сайдарын, олох тупсарын, дьон чэгиэн буоларын туһугар, хайдах биир сүбэнэн, бэриниилээхтик үлэлээбиттэрэ ырылыччы көстөр.

Нам улууһа устуоруйаны, бэтэрээннэри үйэтитиигэ утумнаахтык уонна таһаарыылаахтык үлэлиир улуустартан биирдэстэрэ. Кыайыы албан ааттаахтарын – үрүҥ халааттаах аанньалларын үйэтитэр кинигэни таһаарыыга өҥөлөөх улуус баһылыгар Юрий Иннокентьевич Слепцовка, улуус киин балыыһатын салайааччытыгар Ариан Николаевич Сергеевкэ, эрэдээксийэлиир сэбиэт кыттыылаахтарыгар М. Г. Жирковаҕа, В. Е. Никоновка, В. В. Поповаҕа, И. И. Сивцеваҕа, хомуйан оҥорбут В. В. Поповаҕа, И. И. Сивцеваҕа, эппиэтинэстээх эрэдээктэргэ А. Н. Сергеевка «Көмүөл» кинигэ кыһатын уонна бар дьон аатыттан махталбытын этэбит. Аныгы кэм эмчиттэригэр, чэгиэн-чэбдик сылдьаҥҥыт, хамсыгы утары охсуһууттан кыайыылаах тахсаргытыгар, толору дьоллоох уһун үйэни олороргутугар баҕарабыт. Эһиги үтүө дьайыыгыт барыларыгар холобур буолуохтун.


 

 

Комментировать

Авторизуйтесь

Комментарии


Комментарии 1 - 20 из 0
Начало | Пред. | | След. | Конец

Возврат к списку